НОВИ САД – Новосадски парламент достал нову предсидательку, Єлену Маринкович Радомирович зоз Сербскей напредней странки. Вона вчера на тоту функцию вибрана зоз 69 гласами одборнїкох, преноши сайт Радио-телевизиї Войводини.
Городоначалнїк вчера нє будзе вибрани, а потерашнї, Милош Вучевич, гварел пред схадзку же нє видзи причину пре котру би нє предлужел окончовац тоту функцию.
Вучевич виявел же СНС о формованю вивершней власци у городу напевно будзе бешедовац зоз СПС и Войводянским фронтом, СВМ и странку СПАС.