НОВИ САД ‒ На хрестопоклону нєдзелю, 27. марца, у Церкви св. апостолох Петра и Павла у Новим Садзе, Служби Божо служел парох о. Юлиян Рац, хтори у казанї гварел же свой хрест треба ношиц сцерпезлїво, з Божу помоцу.
Припадносц Исусови барз драга. Вон нам гварел же хто сце исц за нїм, най ше одрекнє самого себе, най вежнє свой хрест и идзе за нїм. Алє хрест то и наймоцнєйше оружиє процив нєприятельох, бо зме з Исусом найсиґурнєйши на животней драги ґу вичносци, поведзене у казанї.
Парох о. Рац виявел и же на пияток, 1. априла, на 17 годзин, дзеци зоз Руского Керестура у Новим Садзе буду модлїц з нами хресну драгу, и поволал вирних же би з тей нагоди пришли до нашей Церкви св. апостолох Петра и Павла.