РУСКИ КЕРЕСТУР – На 57. Драмским мемориялу Петра Ризнича Дядї нєшка будзе музична промоция ЦД-а „Генцаре”, на соботу Вечар ювилантох, а на нєдзелю представа „Полицає”.
Нєшка, пияток 28. марца на 20 годзин у Виронаучней сали у порти Церкви св. о. Миколая, будзе отримана промоция ЦД „Генцаре” Владимира Малацка.
На соботу 29. марца, на 20 годзин, заплановани Вечар ювилантох кед госц будзе Любомир Дудаш Инґе, з нагоди 70 роки од його народзеня. Ювилей ше означи у Хорскей сали у Доме култури, а у рамикох того вечара будзе и вистава костимох КОЦ АП „Бранислав Нушич” зоз Шиду.
На нєдзелю, 30. марца на 20 годзин у Културним центру у Кули наступи РНТ „Петро Ризнич Дядя” зоз представу за одроснутих „Полицає” Славомира Мрожека, у режиї Янка Лендєра зоз Вербасу.