НОВИ САД – Сашо Палєнкаш, познати руски кантавтор, вчера отримал три мини-концерти у новосадских руских медийних редакцийох – у Рускей редакциї Радио Нового Саду, Рускей редакциї РТ Войводини и у НВУ „Руске слово”.
Причина тому приємному нєкаждодньовому стретнуцу то свойофайтове подзекованє шицким тром медийним хижом за провадзенє и промовованє його вецейрочней авторскей роботи. Палєнкаш наступел зоз обробками наших традицийних шпиванкох у сучаснєйшей музичней интерпретациї.
Най здогаднєме, Сашо Палєнкаш за наш младежски часопис МАК видал даскельо компакт-диски.