РУСКИ КЕРЕСТУР – Нєшка почина уж традицийни Дзецински куцик у Каритасу, а будзе тирвац од 9–13 януар, од 20 по 21:30 годзин.
На пондзелок и вовторок дзеци буду бавиц дружтвени бависка, а на стреду будзе орґанизоване друженє зоз мадїоничаром „Карлом Вельким”.
Штварток волонтере Каритасу порихтали окремну томболу: то будзе томбола у котрей шицки доставаю. Кажде дзецко, тоти котри буду приходзиц до Куцика, дацо цо му ше окреме пачи и цо би жадало подаровац другому, крашнє запакує як дарунок и принєше на друженє. А вец зоз особу котра тот дарунок достанє буду ше вєдно радовац.
На пияток, остатнї дзень будзе орґанизовани маскенбал.
Друженє порихтане, треба лєм присц и дружиц ше!