ОПШТИНА ШИД – Крачунски швета у наших грекокатолїцких церквох у Шидзе, Беркасове и Бикичу преславени торжествено.
У Шидзе у церкви Преображеня Господнього парох о. Михайло Режак на 22 годзин служел на Вилїю крачунске Саночне на хторим було надосц вирник, окреме младих, а парох визначел значносц Христового народзеня и же би Исус бул у наших шерцох.
После Саночного по традициї, друженє и крачунска радосц предлужени у Руским доме хтори бул крашнє прикрашени з нагоди швета.
О. Режак служел Службу Божу на перши дзнь швета, а после богослуженя було и мированє. На други и треци дзнеь швета богослуженя буду на 10 годзин.
У Беркасове у церкви собору архангела Михаила парох о. Владимир Еделински Миколка служел на Вилїю крачунске Саночне на 19 годзин, а потим и у церкви Успеня Пресвятей Богородици у Бикичу на 21 годзин.
У Бикичу дзеци ходзели по обисцох по шпиваню, а друженє предлужене у Доме култури хтори з тей наоди бул прикрашени у крачунским духу.
На перши дзень швета о. Еделински служел Службу Божу у Бикичу на дзевец годзин, а у Беркасове на 10:30 годзин, а на ютре после богослуженьох у обидвох церквох будзе и мированє.
