ОПШТИНА ШИД – На швето Богоявлєне вчера 19. януара у грекокатолїцких церквох у општини Шид служени Служби Божо и пошвецена йорданска вода.
У Шидзе у церкви Преображеня Господнього Службу Божу служел и воду потим пошвецел парох о. Михайло Режак.
Од нєшка, од пондзелоку 20. януара, о. Режак будзе пошвецац обисца спрам утвердзеного роспорядку заключно зоз пиятком 24. януаром.
Служби Божо з пошвецаньом води у церкви святого архангела Михаила у Беркасове служел парох о. Владимир Еделински Миколка, а тиж и у церкви Успеня Пресвятей Богородици у Бикичу.
