ВЕРБАС – У нововербаскей Грекокатолїцкей церкви Святого Владимира внєдзелю, 13. априла, преславена Квитна нєдзеля.
Вельку Службу Божу служел парох нововербаски о. Данил Задрепко котри и пошвецел багнїтки. Красне число вирних було присутне на богослуженю, а з молитву и писню возвелїчали и прикрашели Службу Божу.
Як то обичай на Квитну нєдзелю, по законченю Служби Божей парохиянє могли вжац багнїтки и з нїма однєсц благослов и до своїх домох.
На нєдзелю и у грекокатолїцкей парохиї у Новим Вербаше будзе преславена Велька ноц, зоз вельконоцну Служба Божа, як и зоз пошвецаньом вельконоцних кошарочкох.