РУСКИ КЕРЕСТУР – Рукометни клуб „Русин” всоботу, 26. априла у спортскей гали у Руским Керестуре одбавел седме першенствене стретнуце другей полусезони Трецей лиґи Войводини, а тиж и остатнє у тей сезони процив екипи РК „Гайдук” зоз Чуруґу и зазначел пораженє зоз резултатом 24:28 (16:13).
За РК „Русин” наступели – Виктор Микита (c), Лука Стойков, Матия Чапко, Борис Югик, Предраґ Марянац, Филип Орос, Алекса Костелник, Иґор Варґа, Марко Слива и Филип Тома.
Ґоли за екипу Русина дали: Филип Тома (5), Виктор Микита (4), Марко Слива (4), Иґор Варґа (3), Борис Югик (2), Филип Орос (2), Лука Стойков (2), Алекса Костелник (2).
РК „Русин” после одбавеного остатнього кола у Трецей лиґи Войводини першенство закончел на 5. месце на таблїчки зоз освоєнима 11 бодами, дзе после 14 одбавених стретнуцох зазначел 4 побиди, 3 стретнуца одбавел нєришено док 7 стретнуца страцел.
