ДЮРДЬОВ – Главна и побочни улїчки у Дюрдьове, вчера 5. януара на вецей заводи розчисцовани. Главна драга першираз очисцена, внєдзелю, 4. януара, а побочни пондзелок, 5. януара, як у Дюрдьове так и у других местох општини.
Побочни драги, по словох компетентних зоз Явного комуналного подприємсва „Чистота” зоз Жаблю котре их отримує, чисца осем машини оспособени за таку роботу – трактор зоз дрилячом, ґрейдер, камион зоз розчисцовачом и баґер.
У валалє на вецей местох мокри и чежки шнїг ламал конари, алє и падал зоз закрицох на дражки, та треба примерковац.
Вчера, пондзелок, 5. януара дражки опрез здравственей амбуланти и општинского будинку розчисцени, медзитим шицки дражки у парку лєм уґажени.
