РУСКИ КЕРЕСТУР – Зоз Явного комуналного подприємства „Руском” и тей жими апелую на жительох Руского Керестура же би до кантох за шмеце нє сипали ґар зоз пецох у хторим єст активней жирячки.
Як гварели спред Рускому, за седем днї мали аж два ситуациї у хторих ше запалєл камион за вивоженє шмеца, а пре жирячку у ґару.
У єдней од ситуацийох, огень ше лапел у вечарших годзинох. На щесце, дзекуюци людзом хтори ишли на автобуску станїцу, та обвисцели занятих у Рускому, а потим и дзекуюци швидкей интервенциї домашнїх огньогасцох, зопарта озбильна материялна чкода, прето же ше огень лєько могол прешириц и на Рускомов обєкт.
