ДЮРДЬОВ – У Фодбалским клубу Бачка 1923 почал упис до школи фодбалу. Уписац мож дзеци од пейц по петнац роки, а з нїма буду тренирац тренере зоз того клубу. Уписац их мож през цали рок.
Оформело би ше ище єдну ґрупу младих фодбалерох у котрей буду бавиц наймладши гварел за Рутенпрес, Драґан Тривунович зоз Дюрдьова, котри бави за перши тим ФК Бачка 1923, а зоз ище двома младима тренерами и тренира з пионирами и кадетами.
Тренинґи пионирох, кадетох и младих ФК Бачка 1923, як и першотимцох ше отримує три раз до тижня, дакеди штири раз. Фодбалере котри маю шеснац роки можу бавиц и у першим тиму.