РУСКИ КЕРЕСТУР – После нєдавно обявеней шпиванки Цмота, наш руски кантавтор, Сашо Палєнкаш, тих дньох обявел ище єдну авторску шпиванку зоз насловом Писня о шмерци.
Як и за остатню нумеру, и за тоту сам обдумал текст, музику, аранжман и финалну продукцию, сам ю и виведол, док провадзаци вокали шпиваю – Михаела Брекайло, Адела Мецек, Емилия Мудри, Кристина Русковски, Кира Пап и Хана Будински.
Инспирацию за шпиванку, як сам автор визначел, пренашол у нашей рускей заєднїци, хтора, по його видзеню, нє така шветла и оптимистична.
Найновшу шпиванку мож одслухац на його Ютюб каналу и Бендкемп платформох.