НОВИ САД – У ютрейшим ТВ Маґазину годно дознац як вирни у Коцуре преславели храмове швето Кирбай и як було на промоциї антолоґиї поезиї Дуга над валалом 2, у рамикох проєкта Интеркултурална творчосц Руснацох Рускей матки.
Дозна ше и як ше першокласнїки того року пририхтую за початок школи и яка ситуация у фодбалским клубу Русин пред початком першенства.
Од директорки школи у Керестуре, Наталиї Будински ше дознало як випатрала Конференция математичарох у Нюйорку, а Ивана Ловас Влашкалич представела нову апликацию за путованя хтора доступна и на руским язику.
Телевизийни маґазин почина на нєдзелю 30. авґуста на 20 годзин. Репризу емисиї годно одпатриц тей истей ноци коло 2 рано, и на пондзелок на 10:30 годзин, а мож ю одпатриц и на одложеним патреню на сайту Радио-телевизиї Войводини.