МИКЛОШЕВЦИ, ГОРВАТСКА – Пияток, 4. септембра 2026. року у вуковарским шпиталю окрипени зоз святима тайнами, умар священїк Крижевскей епархиї у пензиї протопрезвитер и ставрофор о. Йоаким Симунович.
Священїк о. Йоаким Симунович народзени 12. септембра 1945. року у Руским Керестуре у фамелиї Владимира и Феброни народзеней Сопка. Було их пецеро дзеци, а двоме священїки о. Йоаким и о. Михайло.
Ґимназию о. Йоаким Симунович закончел у Францисканох на Каптолу, а студиї теолоґиї закончел на Католїцким богословским факултету у Заґребу. Оженєл ше зоз Марию Киш зоз хтору мал тройо дзеци. За священїка Крижевскей епархиї го пошвецел владика др Йоаким Сеґеди, 8. септембра 1971. року у Церкви св.о. Миколая у Руским Керестуре. Од 1976. року о. Йоаким бул парох у Миклошевцох, а 1987. року бул меновани за сримсого декана. После чежкей хороти пошол до нензиї 2017. року, жил у Миклошевцох.
Труна о. Йоакима Симуновича будзе виложена у Грекокатолїцкей церкви Рождества пресвятей Богородици на пондзелок, 7. септембра, а на 13 годзин будзе хованє хторе будзе предводзиц владика крижевски кир Милан Стипич.
О. Йоаким Симунович будзе поховани на миклошевским теметове.