НОВИ САД – На Трецей програми радия Радио-телевизиї Войводини на програми по руски ютре, на нєдзелю, 6. септембра, на 7 годзин рано годно послухац Емисию за валал, а на 12:30 г емисию Културна панорама.
У ютрейшим найновшим виданю Емисиї за валал дозна ше же податки зоз терену указую же урожай кукурици и сої будзе спод просеку, алє урожай слунечнїку би могол буц лєпши. Суша уж роками уплївує на квалитет и урожай польопривредних продуктох, та парасти глєдаю алтернативне ришенє, медзитим ту и обaванє понеже тарґовище огранїчене кед слово о одкупу, а и понука ше нїзшу цену. У емисиї буду и найновши висти зоз польопривреди, проґноза хвилї за наиходзаци тидзень, як и цени польопривредних продуктох на новосадских пияцох.
Емисия за валал на програми кажду нєдзелю на 7 годзин рано и репризно стреду на 21:30 годзин, на УКТ габох радия РТВ на 92, 100 и 107,1 мгг, а мож ю послухац и на одложеним слуханю на сайту Радио-телевизиї Войводини. Емисию пририхтую Єлена Дудаш, Златко Колєсар и Михаил Рамач.
Потим, на 12:30 годзин у найновшей емисиї Културна панорама годно послухац звит зоз промоциї Антолоґиї поезиї Дуга над валалом 2 у Коцуре, висти зоз култури, алє и интервю зоз музиколоґом и редакторку уметнїцкей музики у Радио-телевизиї Войводини Олену Пушкаш.
Редакторка и водителька емисиї: Саня Дивлякович. Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.
