НОВИ САД – На Трецей програми радия Радио-телевизиї Войводини на програми по руски ютре, на нєдзелю, 20. септембра, на 7 годзин рано годно послухац Емисию за валал, а на 12:30 г емисию Културна панорама.
У найновшей ”Емисиї за валал”, медзи иншим, будзе слова о африцкей чуми при швиньох, продукциї огуркох у Руским Керестуре, як и о голубарстве. Тиж так, будзе слова и о Фестивалу ґастрономиї “Смаки Войводини”. У емисиї годно чуц найновши висти зоз польопривреди, проґнозу хвилї за наиходзаци тидзень, як и цени польопривредних продуктох на новосадских пияцох.
Емисия за валал на програми кажду нєдзелю на 7 годзин рано и репризно стреду на 21:30 годзин, на УКТ габох радия РТВ на 92, 100 и 107,1 мгг, а мож ю послухац и на одложеним слуханю на сайту Радио-телевизиї Войводини. Емисию пририхтую Єлена Дудаш, Михаил Рамач, Саня Маркович и Мирела Тимко.
Потим, на 12:30 годзин у найновшей емисиї Културна панорама годно послухац о пририхтованьох 41. Манифестациї “Миклошевци 2026” и 16. Фестивала хорского шпиваня “Карпати” у Вербаше. Госцинска у емисиї будзе поетеса Олена Планчак Сакач зоз котру годно послухац, медзи иншим, о єй писаню на руским и сербским язику, алє и о прекладу єй дзецинскей кнїжки “Карпатски шаркань” на словенски язик, як и о прекладу єй поезиї на турски язик. Редакторка и водителька емисиї Саня Дивлякович
Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.