НОВИ САД – Филозофски факултет традицийно преслави Европски дзень язикох, на пияток, 25. септембра и будзе ношиц универзалне порученє „Язики зєдинюю”. Представене будзе и Оддзелєнє за русинистику.
У рамикох означованя, опрез будинку будзе орґанизована Улїчка язикох. У програми ше представя шицки язики хтори ше виучує на тей високошколскей установи, а штанди мож нащивиц у периодзе од 10 по 14 годзин.
Оддзелєнє за русинистику тиж будзе участвовац на тей манифестациї, а на штанду, окрем литературних и наукових дїлох, буду пририхтани и рижни интересантни змисти.
Шицки заинтересовани можу присц и научиц дацо нове о руским язику, побешедовац зоз студентами и професорами и упознац ше зоз роботу Оддзелєня за русинистику.