АПОСТОЛСКИ ЕҐЗАРХАТ – По юлиянским календаре нєшка швето Рождества Йоана Хрестителя – Яна, а на тото швето и Кирбай у Будисави и Змаєве.
У Будисави, филияли грекокатолїцкей парохиї у Новим Садзе, Кирбайску Службу Божу на 15 годзин будзе служиц парох о. Юлиян Рац, док у Змаєве, филияли ноновербаскей парохиї, Службу Божу на 10 годзин будзе служиц парох о. Иґор Вовк.
На Яна Церква преславює чудесне народзенє найвекшого старозавитного пророка, сучашїка и нєпоштредного нависцителя Исуса Христа як Месиї.