Наташа Гайдук зоз Руского Керестура штварти рок на Педаґоґийним факултету у Зомборе, на напряму Дизайн медийох у образованю. Як студентка такого напряме, часто робела зоз фотоґрафиями у фотошопу.
Найволєла робиц на своїх фотоґафийох, та ше так и розвил єй гоби. Фотоґрафує шицко цо ю цикави, алє найоблюбенша єй природа, окреме нєбо.
Уж три роки участвує на „Дньовковим” конкурсу, дзе достала и награду за перше место. Потераз ше нє опробовала на даяких других конкурсох, прето же, як гвари, зоз фотоґрафию ше занїма лєм рекреативно.
Любела би пошвидко купиц и професийни фотоапарат и усовершиц технїку и знанє, же би могла зазначиц шицки интересантни и важни хвильки у живоце.