ШИД – На 54. схадзки Општинскей ради (ОР) хтора отримана вчера, 20. априла, бул розпатрани обсяжни дньови шор з аж 65 точками.
После схадзки на конференциї за новинарох Драґан Ґутич, член ОР задлужени за привреду, новинаром потолковал же ОР принєсла предкладанє одлуки о локалних административних таксох з хтору ше предклад олєгчаня за вимирйованє порцийох.
Значна точка була и потримовка виробку плана реґулованя у катастерских општинох Шид и Беркасово пре плановану вибудов транспортней обиходнїци коло Шиду.
ОР тиж розпатрела и програми роботи за 2018. рок установох хторим локална самоуправа снователь, а на дньовим шоре були и вецей маєтно-правни питаня зоз компетенциї локалней самоуправи.
На схадзки прилапени и предкладаня комисийох о розподзельованю буджетних средствох по конкурсу за вирски заєднїци, як и у обласци култури.