КОЦУР – Внєдзелю, 13. мая, „Искра” на домашнїм терену дочекала екипу „Напредак” зоз Надалю и победзела зоз резултатом 7:1.
„Искра” конєчно одбавела єдно добре и квалитетне змаганє и у подполносци надбавела госцох зоз Надалю.
Побида у прешлим колу екипи з Коцура принєсла и друге место на таблїчки, понеже „Обилич” зоз Нового Кнежевцу бул шлєбодни. „Искра” после 26 одбавених колох у Подручней лиґи Суботица ма 50 освоєни боди, кельо и трецопласовани ОФК „Вербас”.
У шлїдуюцим колу, на нєдзелю, „Искра” будзе госцовац у Баймоку, дзе ю дочека екипа „Раднички 1905”.