НОВИ САД – Путнїцку превозку за потримовку и унапредзованє оперативних капацитетох Новосадски саям донирал Орґанизациї за глєданє и ратованє Сербиї (ОТИС).
Превозку ше будзе хасновац за интервенциї, теренски обиходи, обучованя и каждодньово активносци ратовацких тимох зоз чим ше злєпша лоґистична потримовку ратовацким єдинком, сообщел Новосадски саям.
На придаваню превозки на Новосадским сайме, пияток, 17. юлия отримана конференция за медиї на хторей бешедовали предсидатель ОТИС-у др Драґан Бєлич и директор Новосадского сайма Слободана Цветкович. Вони наглашели значносц сотруднїцтва привреди, институцийох и орґанизацийох хтори зоз свою роботу помагаю гражданом, сообщел Новосадски саям.
ОТИС то национална, волонтерска и нєпрофитна орґанизация хтора окончує дїялносц од окремней значносци за Републику Сербию у обласцох глєданя нєсталих особох, ратованє людских животох, указованє першей и урґентней помоци и едукациї гражданох и волонтерох за поступанє у позарядових ситуацийох, елементарних нєпогодох и других кризних случованьох.