РУСКИ КЕРЕСТУР – Наградни фонд од 220.000 динари за найлєпши три екипи у сениорскей конкуренциї обчекує тих хтори ше приявя на Ноцни турнир у фодбалу хтори ше по першираз отрима у Спортскей гали у Руским Керестуре, у орґанизациї Фодбалского клубу „Русинˮ.
Награда за 1. место виноши 150.000 динари, за 2. место 50.000, док за 3. место 20.000 динари.
Турнир почнє 1. децембра, у плану же би ше отримовал по 20. децембер кажди дзень, окрем нєдзелями, а екипи мож приявиц по дзень пред початок Турнира, односно по 30. новембер, кед ше у Спортскей гали отрима вицагованє парох.
На паркету Спортскей гали годни ше змагац 20 екипи, а уплата по екипи виноши 12.000 динари. Кажда екипа чишлї по 8+2 бавяче, бави ше по системи 4+1, а будзе преглашованє и найлєпшого бавяча, ґолґетера и ґолмана.
Информациї о Турниру мож достац од Ивана Чапку на число 065/5119-779.