Дарунки и подзекованє дзиячки

автор Вл. Дїтко
295 Опатрене

БИКИЧ – На швето Воведениє Пресвятей Богородици, вчера, 4. децембра у церкви служена Служба Божа хтору служели декан сримски и парох у Шидзе о. Михайло Режак и домашнї парох о. Владимир Еделински Миколка.

У казанї о. Миколка визначел значенє Воведения Мацери Божей у живоце християнох, швета хторе Церква означує од осмого вика як здогадованє кед Мац Божа першираз уведзена до храму.

Шветочно було и прето же Бикичанє на тото швето означую стари Кирбай, а тиж виражели и подзекованє вецейдецейнийней дзиячки Любици Роман хтора у 88. року живота ище вше зашпива на богослуженьох.

О. Михайло Режак Романовей, на концу богослуженя, як дарунок придал икону Мацери Божей Водицовей, а о. Миколка букет квеца як скромни дарунки за єй служенє церкви и єй шпиванє на богослуженьох, винчаньох, кресцинох и хованьох.

ПОВЯЗАНИ ТЕКСТИ