ШИД – У рамикох 35. Спортских бавискох „Яша Баков” всоботу, 18. априла у Руским доме отримани турнир у шаху у орґанизациї спортскей секциї КПД „Дюра Киш”.
Участвовали шейсц екипи у хторей були штирме шахисти и бавело ше по системи кажда екипа зоз кажду.
На концу змаганя шахисти КУД „Тарас Шевченко” зоз Дюрдьовa завжали перше место зоз 16 бодами, друга була екипа КУД „Яким Гарди” зоз Петровцох зоз 13 бодами, треца була екипа СД „Русин” з Руского Керестура зоз 10,5, штварти були домашпнї шахисти КПД „Дюра Киш”, вони освоєли тиж 10,5 боди, пияте место завжали шахисти РКЦ Нови Сад зоз седем бодами, а шести були шахисти КПД „Иван Котляревски” зоз Бикичу зоз три боди.
Отримани тиж и швидкоцагаюци турних у поєдинєчней конкуренциї у хторим ше змагали осемцме найлєпши шахисти зоз екипного змаганя и бавели кажди зоз каждим.
Перше место совоєл Драґан Остоїн зоз Дюрдьова зоз шейсц боди, друге место завжал Звонимир Медєши зоз Руского Керестура зоз пейц боди, а треци бул Иґор Рамач зоз Дюрдьова и освоєл штири боди як и штварти Алесандро Маркучи Де Марино з Нового Саду освоєл штири боди як и пияти Боян Антанаскович зоз Дюрдьова зоз штири боди, Славомир Рамач з Дюрдьова шести зоз два боди кельо боди освоєл и седми Душан Ивков зоз Нового Саду, а осми Иґор Варґа зоз Руского Керестура бул без бодох.
Домашнї були добри орґанизаторе турнира, а после урядових змаганьох бул полудзенок и друженє шахистох.
