ПАРАЧИН – На териториї општини Парачин преглашена тродньова жалосц пре шмерц младей дзивки Анї Радонїч зоз Парачину, хтора петнаста особа хтора настрадала на Желєзнїцкей станїци Нови Сад, сообщела општина.
Предсидатель општини Парачин Владимир Миличевич преглашел тродньову жалосц 19, 20 и 21. новембра на териториї општини Парачин, пре траґедию хтора ше случела 1. новембра у Новим Садзе, кед настрадали петнац особи на хторих ше звалєло надкрице на Желєзнїцкей станїци Нови Сад, медзи настрадалима и согражданка Парачину Аня Радонїч, обявене на сайту Општини Парачин.
Радонїчово умарла внєдзелю на 15 годзин у Клїнїчним центре Войводини, седемнастостого дня после нєщесца.