ШИД – ЯКП „Стандард“ достало дзекуюци Японскей орґанизациї за медзинародни одношеня, сучасни контейнери за одлкаданє шмеца.
Вчера у присустве представнїкох локалней власци и спомнутого подприємства указани контейнери хтори заварти и маю колєска.
Панї Юме Мори, представнїца спомнутей японскей орґанизациї гварела же то потримовка жительом шидскей општини за селектованє твардих одруткох, а тиж єдна з мирох и програма компостованя одруткох.
Директорка „Стандарду“ Миленка Субич гварела же достати 140 контейнеру хтори буду положени у колективних населєньох у Шидзе и на подручу општини спрам потребох, а на донациї подзековал и предсидатель општини Шид Зоран Семенович.
До акциї потримовки програми ше уключели и наймладши зоз ПУ „Єлица Станивукович Шиля“ хтори зоз своїма рисунками прикрашели околїско дзе контейнери положени.
