ҐАЙДОБРА – Младши катеґориї ФК Русин внєдзелю, 24. новембра, у спортскей гали у Ґайдобри бавели 2. коло Мини Макси лиґи процив екипи Крила Країне червени зоз Бачкей Паланки и у двох одбавених стретнуцох зазначели два пораженя.
У першим стретнуцу бавели дзеци возросту 2017. рок и парняки зоз Бачкей Паланки були лєпши и славели зоз резултатом 5:1.
Єдини ґол за екипу Русина дал Матей Югик.
У другим стретнуцу бавели дзеци возросту 2018/2019. рок и тиж и у тим стретнуцу екипа Крила Країне победзела зоз резултатом 3:0.
За екипу Русина 2017. рок бавели – Тони Пашо, Димитри Хома, Леон Боднар, Лазар Тасич, Павле Папуґа, Стефан Папуґа, Матей Югик, Николая Петкович, Филип Папуґа, Лука Кренїцки и Феликс Ковач.
За екипу Русина 2018. и 2019. рок бавели – Дамян Орос, Стефан Гарди, Андрей Орос, Александар Пекич, Филип Чуни, Давор Ковачевич, Иван Варґа, Иван Гарди, Лука Ликов и Коста Сабодайко.
Тренер им бул Денис Югик.
