ДЮРДЬОВ – Вчера, 8. януара, традицийно на други дзень Крачуна, у просторийох Културно-уметнїцкого дружтва „Тарас Шевченко” у Дюрдьове отримани Крачунски концерт „Крачун у Матки”.
На Концерту участвовали наймладши члени Дружтва котри самостойно або у ґрупох колядовали и винчовали Рождество Христово. Того року, як и вше по тераз шицки учашнїки на концерту достали пакецики, за хтори ше остарал Управни одбор Дружтва.
Крачунски концерт орґанизовал Управни одбор КУД „Тарас Шевченко”. Програму пририхтали уметнїцки руководительки Ксения Вереш, Мария Хромиш, Тамара Балоґ, Мария Барна и Кристина Тодорович, як и Валентина Салаґ котра предводзела пририхтованє програми и порихтала сценоґрафию.
После концерту орґанизване друженє.
