КОЦУР – На Шветли пондзелок и вовторок у Коцуре хлапци, а вец и дзивчата ходзели по облїваню гоч була пременлїва хвиля и жимно, тот вельконоцни обичай випочитовани и того року.
Облїваче пондзелок, и облївачки вовторок, по валалє ходзели на оквецених бициґлох зоз кантичками на корманьох. Векшином облївац ходзели школяре основношколского возросту зоз руских оддзелєньох, бо кажди рок єст вше менєй старших младих котри ґрупно ходза по облїваню.
