РУСКИ КЕРЕСТУР – На вчерайшей, 17. схадзки Совиту Месней заєднїци (МЗ), место потерашнього предсидателя Совиту МЗ Звонка Раца, вибрана нова предсидателька Илона Зарубица, вицешампионка швета у бодибилдинґу и предсидателька бодибилдинґу за Сербию.
Потерашнї предсидатель Совиту Звонко Рац дал задзекованє пре приватни причини, а на месце окончованя тей длужносци бул од априла того року.
За тей нагоди, Месна заєднїца розписала и Оглашку за вибор секретара Месней заєднїци понеже потерашньому секретарови законски вишол час за окончованє тей длужносци.
Потим як додзелєни финансийни и други подписи без огранїченя нововибраней предсидательки Совиту, по других точкох дискутоване о успишно реализованих роботох у валалє и проблемох хтори ше будзе ришовац у наиходзацим периодзе.
