Искрова побида за Миляна Дюрдєвца

автор Д. Барна
104 Опатрене

РАВНО СЕЛО – Фодбалски клуб „Искра” всоботу 30. марца одбавела пияте першенствене стретнуце Подручней фодбалскей лиґи Суботица, дзе бавела процив екипи Пролетер зоз Равного Села и зазначела важну побиду на чежким госцованю зоз резултатом 2:3.

Искра наступела у составе – Мирослав Ступар, Марко Секулич, Лазар Милованович, Зоран Сердар, Мариян Малацко (Ненад Надь), Драґан Комазец (Милян Дюрдєвац) (Павле Човс), Дамир Мачиженски, Борис Бодонї, Дамян Ґубаш, Миливой Ґаджич и Данило Янкович. Ґоли за Искру дали: Дамян Ґубаш, Борис Бодонї и Данило Янкович.

Треба визначиц же после петнац минутох бавеня у другим полчасу, случел ше момент хтори означел стретнуце у Равним Селу кед ше чежко покалїчел млади бавяч Искри, Милян Дюрдєвац. Стретнуце було претаргнуте на петнац минути, а бавяч превежени до шпиталю.

После одбавеного стретнуца, бавяче и управа клуба ФК „Искра” зоз Коцура пошвецели тоту побиду Милянови и пожадали му же би ше цо скорей залїчел од чежкого покалїченя котре достал на стретнуцу у Равним Селу.

Идуце 6. першенствене стретнуце ПФЛ Суботица, ФК „Искра” будзе бавиц на нєдзелю, 7. априла у Коцуре процив екипи ФК „Чока” зоз Чоки.

Стретнуце почнє на 16 годзин.

Милян Дюрдєвац

ПОВЯЗАНИ ТЕКСТИ