ШИД – У Руским доме у Шидзе на Вилїю пополадню отримана роботня Як ше рихта капущанїки и бобальки. Ганча Колєсар и Ясминка Димитриєвич, членїци Здруженя женох „Маря”, правели и рихтали капущанїки и бобальки зоз дзецми хтори ходза на годзини руского язика, и на виронауку, а на роботнї була и їх наставнїца Наташа Еделински Миколка. Жени зоз спомнутого Здруженя ше остарали и за крачунске прикрашованє сали у Руским доме.
Потим дзеци, хтори уча руски язик з елементами националней култури, а ходза и на виронауку вєдно з наставнїцу Наташу Еделински Миколка нащивели вецей обисца дзе колядовали, а потим у Руским доме отримане и друженє дзецох.
Дзеци на Вилїю колядовали и у Бикичу и у Бачинцох, а у церквох у Шидзе, Бачинцох, Бикичу и Беркасове служени Крачунски саночна.
