КОЦУР – На нєдзелю, 15. децембра, у просторийох Руского дома у Коцуре (Подручна канцелария Националного совиту Руснацох) будзе отримани литературни вечар Силвестера Макая, поети и маляра, на хторим ше представи його потерашнї кнїжки зоз акцентом на найновшей „Руско-салашски перли панонского путнїка”, хтора обявена того року у виданю НВУ „Руске слово”. О кнїжки будзе бешедовац рецензент Микола Шанта, и сам автор, а писнї будзе читац Наташа Макаї Мудрох.
На истим сходзе означи ше на пригодни способ и 80-рочнїца Серафини Макаї. Єй писнї будзе читац Мария Горняк, а о єй дїлу будзе бешедовац Микола Шанта.
Орґанизаторе промоциї Литературна секция „Нашо крочаї” КУД Жатва.