РУСКИ КЕРЕСТУР – Тей нєдзелї, у виданю керестурскей парохиї св. о. Миколая, вишло нове число християнского часопису „Дзвони” за май.
У тим чишлє представени нови папа Лєв XIV прейґ його бешеди на интронизациї, а дате и огляднуце на понтификат папи Франциска.
У уводнїку бешеда владики кир Георгия Джуджара на керестурским Кирбаю о прикладзе святого Миколая як и духовне шведоченє єдней младей особи хтору мотивовали праве владиково слова.
Мария и Михал Надьово з Руского Керестура, нєдавно преславели 70 роки малженства, а о їх живоце запис у тим чишлє.
И у тим виданю предлуженє биоґрафиї владики Дионизия Нярадия, запис о преслави 130-рочнїци Водици и духовни дожица вязани за тото святилище, активносци младих у Руским Керестуре, екуменизем, духовна поезия и вистки зоз швета и наших парохийох.