Мирни протест отримани и у Коцуре

автор Рутенпрес
35 Опатрене

КОЦУР – Потримовку студентом у блокади под паролу Застань Сербийо дали и числени жителє Коцура пияток, 31. януара.

На 11:52 годзин ґрупа валалчанох у центру Коцура дала 15-минутову почесц настрадалим у нєщесцу на Желєзнїцкей станїци у Новим Садзе, тримаюци транспарент на котрим була нарисована червена длань.

Окрем главного транспарента, могло видзиц и вецей транспаренти з написами Корупция забива, Дланї вам кирвави и друге, а числени з тих котри давали потримовку студентом тримали и дзвигнути дланї червеней фарби.

На концу сходу, пречитани мена шицких котри у спомнутим нєщесцу настрадали, и сход закончени з визначенима словами Правда будзе задоволєна.

Истого дня, у исти час, отримани простестни сходи и дата потримовка студентом у блокади и у других местох вербаскей општини, як и у Вербаше. Так 15-минутова почесц настрадалим дата и у Змаєве, Равним Селу, Бачким Добрим Полю, а тиж и опрез Общого шпиталю у Вербаше дзе вельке число занятих вишло опрез шпиталю у тим чаше.

ПОВЯЗАНИ ТЕКСТИ