СРБОБРАН – У рамикох Жимскей лиґи, хтора ше закончела внєдзелю 22. фебруара у Србобрану, екипа Русина одбавела два стретнуца. Перше у полуфиналу бавели процив екипи ФК Србобран 2, а потим и у стретнуцу за треце место процив екипи ФК Будучносц зоз Савиного Села и нажаль, страцели у обидвох стретнуцох.
На тим стретнуцу бавели дзеци хтори ходза до другей класи основней школи.
Полуфинале: ФК Србобран 2 2017 – ФК Русин 2017 – 6:3. Ґоли за екипу Русина дали: Матей Югик, Лука Кренїцки и Стефан Папуґа.
3. место: ФК Русин 2017 – ФК Будучносц 2017 – 0:0 (1:3 пен.)
У лиґи ше змагали 11 екипи, а керестурци бавели добре у шицких стретнуцох и удало ше им войсц до полуфиналу. Млада екипа Русина Жимску лиґу закончела на 4. месце, дзе хибело лєм дакус щесца же би були на 3. месце. Екипа Будучносци була лєпша после виводзеня пеналох и освоєла 3. место.
Екипу Русина на стретнуцох водзел Денис Югик.
