РУСКИ КЕРЕСТУР – У Месней заєднїци по 26. децембер мож записац пакецики дзецом за Дїда Мраза. Пакецик кошта 1.000 динари.
Дзецом Дїдо Мраз пакецики подзелї 30. децембра на 10 годзин у Спортскей гали. З тей нагоди у Спортскей гали дзецох будзе анимирац ґлумец-аматер Емил Няради, а годно ше и сликовац зоз Дїдом Мразом.
Дзеци за дарунки мож приявиц у просторийох Месней заєднїци у Спортскей гали, кажди роботни дзень од 8 по 15 годзин, по 26. децембер, або у тим термину наволац секретара Месней заєднїци на число телефона 060/703-79-44.