РУСКИ КЕРЕСТУР – През викенд, 24. и 25. новембра Драмски мемориял Петра Ризнича Дядї ше предлужи зоз двома представами.
На соботу на 19:30 годзин Драмски студио „Звонимир Павлович” зоз Руского културного центру Нови Сад, виведзе представу „Конєцˮ, авторске дїло Славка Виная.
На нєдзелю, остатнього вечара будзе виведзена представа „Дугока драга пешо домуˮ, авторске дїло Цветина Аничича. Представу, хтора почнє на 19:30 годзин, виведу ґлумци Аматерского театра „Бранислав Нушич” зоз Шиду, a окрем ґлумцох у представи наступи и хор „Хоршидея” зоз Шиду.
Тогорочни Драмски мемориял Петра Ризнича Дядї софинансовали: Општина Кула, Национални совит Руснацох и Покраїнски секретарият за културу, явне информованє и одношеня з вирскима заєднїцами АП Войводини.