КОЦУР – Члени коцурского Мото-клубу „Пеґасус”, у сотруднїцтве зоз Туристичну орґанизацию општини Вербас и численима спонзорами, и того року орґанизую интересантну подїю у центру Коцура под назву „Мото Дїдомразияда”, котра будзе отримана на нєдзелю, 22. децембра.
На площи опрез Дома култури будзе друженє зоз моторкашами пооблєканима до Дїдох Мразох, котри наймладшим з нагоди наиходзацих крачунских и новорочних шветох подзеля лакотки, а и за старших порихтали ошвиженє.
Орґанизаторе поволали шицких же би ше того дня прешпацирали по центер валала, дружели ше и уживали у програми и числених змистох котри порихтали.
Окрем Мото-клубу „Пеґасус” и Туристичней орґанизациї општини Вербас, у орґанизованю подїї участвую и Општина Вербас, Месна заєднїца Коцур, Основна школа „Братство єдинство”, Етно клуб „Одняте од забуца”, КУД „Жатва”, КУД „Завичайне врело”, Дом култури, Ловарске дружтво „Сокол” и Александар Суботин.
Початок „Мото Дїдомразияди” заказани на 12 годзин.