БАЧИНЦИ – На пондзелок 31. октобра на швето Святого апостола и євангелисти Луки, церква и вирни преславя храмове швето Кирбай.
Шветочну Службу Божу, хтора почнє на 11 годзин будзе предводзиц о. Михайло Йосафат Гарди, протоєрей ставрофор и парох у Любляни, дакедишнї парох у Бачинцох, а буду сослужовац священїки з Епархиї Святого Николая потим Крижевскей епархиї як и римокатолїцки паноцове з околних парохийох.
На нєдзєлю вечар, пред Кирбайом домашнї парох о. Дарко Рац на 19 годзин будзе служиц Саночне.
На Кирбайскей Служби Божей обчекує ше приход представнїкох Сербскей православней церкви, месних власцох з валалу як и дзепоєдних кандидатох за нове зволанє Националного совиту Руснацох.