РУСКИ КЕРЕСТУР – Схадзкa Скупштини Рускей матки (РМ) будзе отримана нєшка, 24. фебруара у канцелариї Месней заєднїци Руски Керестур, при канцелариї Рускей матки (Бориса Кидрича 60), на 10 годзин.
Схадзку зволал предсидатель проф. др Михайло Фейса, а на дньови шоре, медзи иншим будзе ше розпатрац Звит о роботи РМ и єй орґанох и целох у 2023. року и Финансийни звит РМ за 2023. рок, тиж ше и формує план РМ за 2024. рок.
После Скупштини будзе отримана промоция 37. числа гласнїка Рускей матки „Руснак”.