РУСКИ КЕРЕСТУР – Швето Стритениє Господнє ше на штварток 2. фебруара означи у Службох Божих на 8, 10 и 17 годзин, а того истого дня започнє и Лурдеска Дзевятнїца.
Дзевятнїца ше будзе модлїц од 16:15 годзин пред кажду вечаршу Службу Божу заключно з нєдзелю. Од пондзелку, 6. фебруара дзевятнїца ше будзе модлїц у исти час, од 16:15 годзин алє у Старим манастире на Капущаним шоре. После дзевятнїци и Служби Божо ше буду служиц у истим манастире, аж по швето Лурдескей Мариї 11. фебруара, кед и Кирбай тей каплїчки.
Мож дац на грамоти, а перша Задушна собота будзе 11 фебруара. У Службох на задушни соботи ше здогадуєме наших покойних.
На шлїдуюцу нєдзелю, 5. фебруара Служба Божа будзе и у манастире на Циґлашоре у Исусових малих шестрох.
Того тижня, пондзелок означене и швето Трох Святительох: Василия Велького, Георгия Богослова и Йоана Златоустого.