РУСКИ КЕРЕСТУР – Осмомарцовски концерт керестурского оддзелєня Школи за основне музичне образованє (ШОМО) з Кули, отримани вчера вечар у велькей сали Дома култури. На концерту наступели 20-еро школяре.
Публику з нагоди швета 8. марца привитал наставнїк Мирко Преґун, а з пригоднима шпиванками повинчовал го и школски младши хор под руководзеньом наставнїка солфедя Ладислава Тамашия.
Потим школяре од першей по шесту класу наступели з нумерами хтори пририхтали на инструментох на котрих уча грац, а то клавир, тамбура прим и тамбура бас прим и гармоника, а на клавире их провадзела корепетиторка Школи Кая Мандич Плавшич.
За наступ их пририхтали їх наставнїки клавира и гармоники Мирон Сивч и Мирко Преґун и тамбури Геленка Гарвильчак.
Традицийни Осмомарцовски концерти нєшка и на ютре буду отримани и у концертней сали матичней ШОМО у Кули и обидва починаю на 19 годзин.
