БЕРКАСОВО – З яри каждого року вирни у парохиї Собору святого архангела Михаила орґанизую роботну акцию на ушореню теметова, а така єдна акция отримана всоботу, 14. марца.
Як нам гварел парох о. Владимир Еделински Миколка, на акцию ше одволали дзешецме парохиянє хтори пременєли 13 слупи на огради коло теметова, запалєли сухи конари, а позберали други рижни одрутки на теметове коло гробох.
Акция тирвала од рана по вчасни пополадньово годзини, а после акциї шицки вєдно остали одпочинуц на друженю.
