ШИД – На вчерайшей схадзки Скупштини општини (СО) Шид, одборнїки принєсли вецей значни одлуки медзи хторима Одлуку о приношеню локалного акцийного плану за управянє з одрутками у периодзе од 2024. по 2033. рок, потим Рочну програму защити, ушореня и хаснованя польоприврдней жеми за 2024. рок.
СО принєсла и одлуки о явним линийским превозу путнїкох як и концесийни документ о запровадзованю автобуского транспорту и прилапели Звит о витвореню буджета општини од 1. януара по 30. юний того року и одлуки о ступню планованих и витворених яктивносцох ЯКП „Стандард“, „Водовод“ и Заводу за урбанизем.
Принєшена и одлука о пречисцованю текста Статута општини, Дїловнїка СО Шид як и Одлуки о плацох и надополнєньох функционером, одборнїком и членом роботних целох Скупштини.
СО меновала поверенїкох општини у шицких 19 Месних заєднїцох, у Шидзе Катицу Виюк, у Бикичу Деяна Бобаля, у Беркасове Ненада Видовича, а у Бачинцох Неманю Митровича.
Тиж одборнїки розришели потерашнїх членох Надпатраюцих у Управних одборох явних подприємствох и установох хторим локална самоуправа снователь и меновали нових членох до спомнутих целох.
