БИКИЧ – На перши дзень Велькей ноци, внєдзелю 12. априла отримани традицийни Вельконоцни бависка за дзеци.
Дзеци були подзелєни до двох екипох „квиточки” и „мотильочки”, а змагали ше у бавискох: глєданя писанки у парку, преношеню вайца у ложки, горуце вайцо, найшвидше вайцо, як и у бависку по системи елиминованя учашнїкох дзе єст єдно вайцо менєй як учашнїкох и на концу резултат бул нєришени.
Тиж отримане и змаганє за наймоцнєйшу писанку, а победзел Боґдан Боцко зоз Ердевику, друге место завжала Миа Петрович, а треце Дуня Сивч, обидва зоз Бикичу.
По словох предсидателя КПД „Иван Котляревски” Деяна Бобаля, хторе було орґанизатор змаганя, дзеци указали схопносц и швидкосц у бавискох и достали награди, пенєжни ваучери же би дацо купели у кнїжари.