НОВИ САД – Знагоди означованя Дня Ґалериї Матици сербскей и означованя 177 рокох єй тирваня, всоботу, 26. октобра отворена нова стаємна постановка „Ревизия колекциї Ґалериї Матици сербскей”.
Нова визия Ґалериї Матици сербскей (ҐМС), хтору шветочно отворела предсидателька Покраїнскей влади Мая Ґойкович, базована на ревизиї колекциї чийо вредносци спатрени на сучасни способ, нє през хронолоґийни приказ розвою сербскей подобовей уметносци, алє през анализу темох и актуалних толкованьох.
Блїзко 450 предмети, хтори настали од 16. по 21. вик, подзелєни до седем модулох и през теми представена история Матици сербскей и сербска уметносц.