РУСКИ КЕРЕСТУР – Друга дзецинска представа „Пандемия и я” КПД ДОК – Нови Сад на текст и у режиї Катарини Фейди, на Драмским мемориялу одбавена стреду, 8. децембра. Орґанизатор представи бул проф. Др Михайло Фейса, Катарина Фейди ґлумела мацер, Силвия Маґоч – Марчу, а була задлужена и за музику, Марина Уйфалуши ґлумела пана Пуслу и була нараторка, Марияна Фараґо була водителька.
Тема тей коцурскей представи зоз часу кед була преглашена пандемия, та дзеци препознали свойо фамелиї и їх справованє кед була полицийна годзина, кед нє ходзели до школи и кед ше родичи бали, чи буду мац шицко цо треба же би ше прежико.
Авторка тексту Катрина Фейди добре розробела справованє родичох хтори у страху од нєизвесносци, а и дзецох хтори заш лєм безбрижно преживюю тоту пандемию. Так на бини пандемия покус приказана и комично, бо то тераз, кед вона прешла, так и дїйствує, окреме у дзецинских очох.
